Sagan

Starfsemi Hafsins á rætur að rekja til samstarfs fyrirtækja sem vilja þróa og nýta græna tækni, til verndar hafinu.

Markmið félagsins er að skapa samstarfsgrundvöll fyrir fyrirtæki, opinbera aðila og rannsóknarstofnanir til þróunar á tækni, löggjöf og hverju því sem stuðlar að verndun og sjálfbærri umgengni um hafið.

Hafið  leitast við að auka almennan skilning og þekkingu á hafinu og mikilvægi þess. Félagið stendur fyrir samstarfsverkefnum og leitar styrkja til þeirra og starfseminnar í heild sinni, bæði innanlands og erlendis.

Hafið (þá Oceana) var stofnsett á Arctic Circle ráðstefnunni í Hörpu, þann 31. október 2014,  af 14 fyrirtækjum, stofnunum og samtökum fyrirtækja, sem láta sig málefni hafsins varða.

Hafið er samstarfsvettvangur aðila sem nýta vilja sameinaðan styrk til verndunar hafsins

Nú þegar hefur fjöldi aðila bæst inná samstarfsvettvanginn (sjá mynd aftast) og viðræður standa yfir við fjölmarga sem sýnt hafa Hafinu áhuga.

Samstarfsaðilar

Starfsmenn

Sigríður Ragna Sverrisdóttir

Framkvæmdastjóri

Sigríður Ragna Sverrisdóttir er framkvæmdastjóri og ein af stofnendum Hafsins – Öndvegisseturs um sjálfbæra nýtingu og verndun hafsins. Sigríður Ragna er landfræðingur og sjókortagerðarmaður og hefur mikla reynslu af úthafssiglingum og siglingum á norðurslóðum og við Suðurskautslandið. Sigríður hefur stundað nám í hafrétti og aflað sér fjölþættrar þekkingar um málefni hafsins. Sigríður Ragna hefur tekið þátt í þónokkrum alþjóðlegum verkefnum og stýrir verkefnum Hafsins.

Back to Top
Enter your Infotext or Widgets here...